Thrill News

وزیراعظم عمران خان نے کہا ہے کہ کچھ لوگ  جو مایوس ہوئے کہ  کورونا زیادہ نہیں پھیلا، درخواست کرتا ہوں  کورونا وائرس پر سیاست نہ کی جائے۔ انہوں نے کہا ہے کہ پہلے اندازہ تھاپچیس اپریل تک پچاس ہزار مریض ہوں گے،مگر اب ایسا نہیں،،پندرہ سے بیس  مئی تک کیس بڑھیں گے اور اسپتالوں پر دباؤ بڑھے گا۔ لاک ڈاؤن سے بے روزگاری میں اضافہ ہوا ہے، وفاقی وزیر اسد عمروزیراعظم نے کہا ہے کہ پولیس والے عوام کو ڈنڈے  نہ ماریں، ان کو  لاک ڈاؤن  سے متعلق سمجھائیں اور ذخیرہ اندوزوں کو خبردار کیا کہ  آرڈیننس کے ذریعے اسمگلرز کے خلاف  سخت کارروائی کی جائے گی۔ وزیراعظم عمران خان کا کہنا ہے کہ مئی کے مہینے تک ہم کورونا سے لڑنے کیلئے مزید تیاری کرلیں گے اور اس وقت لاک ڈاؤن میں کمزور طبقے کی فکر  ہے، ڈر ہے  لوگ  بھوک سے سڑکوں پرآگئے تولاک ڈاؤن کا فائدہ نہیں ہوگا۔

کورونا وائرس کی وجہ سے پاکستان سمیت دنیا بھر کی معیشتیں سست روی کا شکار ہیں اور ایسے میں گزشتہ کئی روز سے روپے کے مقابلے میں ڈالر کی قدر میں مسلسل اضافہ ہورہا تھا۔ تاہم اب یکے بعد دیگرے پاکستانی معیشت کے حوالے سے آنے والی اچھی خبروں کے بعد ڈالر کے مقابلے میں روپیہ تگڑا ہوا ہے اور ایک ہی روز میں ڈالر کی قیمت میں 3 روپے 31 پیسے کی کمی ہوئی ہے۔ خیال رہے کہ گزشتہ روز دنیا کی 20 بڑی معیشتوں کے حامل ممالک کے گروپ جی 20 نے پاکستان سمیت 76 ترقی پذیر ممالک کے ذمہ واجب ادا تقریباً 40 ارب ڈالر کے قرضوں کی ادائیگی کو ایک سال کیلئے مؤخر کرنے کا اعلان کیا تھا جس سے پاکستان کو تقریباً 12 ارب ڈالر کے قرضوں کی واپسی میں ریلیف ملے گا۔ اس کے بعد اسٹیٹ بینک آف پاکستان شرح سود میں 2 فیصد کمی کرکے اسے 9 فیصد پر لے آیا جس پر سرمایہ کاروں میں خوشی کی لہر دوڑ گئی اور اس کا اثر آج اسٹاک مارکیٹ میں بھی دیکھنے میں آیا۔ پاکستانی معیشت کے لیے تیسری بڑی خبر عالمی مالیاتی فنڈ کی جانب سے پاکستان کیلئے ایک ارب 38 کروڑ ڈالر کے ریلیف پیکیج کی منظوری تھی جس سے پاکستان کے زرمبالہ کے ذخائر میں اضافہ ہو...